AGC
O VIRU’S PIGLIA FORZA
**O viru’s piglia forza
e o guvern stregn’a morza.
S’e’’ mpestato tutt’o munno
cca’ se sta tuccann’o funno.
**Cchiu’ nisciuno ‘miezz’a via:
sul pe’ ffame o pe’ malatia.
Tutti ‘nserrati rint’e’ccase
pe’ ppaura c’a peste trase.
**Se scet’ a’ criatura, ‘nzuonno,
vulesse dà nu vase ‘o bellu nonno,
ma ‘ngopp’a chella panca,
o’ vicchiriello manca.
**E p’a’ luntananza,
senza na speranza,
stann’e nnammorat
afflitti e sconsolat;
e llacreme so’amare,
senza se putè tuccà
e’ vvasen’o cellulare
pensanno e se vasà.
**Tra scenziat’ e gent’e fede:
nun se sape chiù a chi crede!
O munno brucia, o munno scotta:
chi ta’ da’ cruda, chi ta’ da’ cotta!
**Mo tutti s’arricordeno de’ Santi,
e, zitto zitto, tutti quanti:
“Paternostro e Ave Maria,
for’o viru’s d’a casa mia”.
**Se ne vanno in tanti
e nunn’e’’ na fesseria
ca’ nnanz’e campusanti
lieggi:“CHIUSO PE’ MURIA”.
**Cu’ ttutto ca so’chien’e’ ttombe,
a vita e’ pp’e falchi no pe’ccolombe!
E dint’a stu piatt’e ‘mbruoglio,
ce sta gia’ chi ‘nsuppa l’uoglio:
“A vulite l’amuchina p’a famiglia?”
“20 euri a mascarin chi s’a piglia?”
Chi t’alliscia pe nu contrbuto,
e chi te propone nu bellu tavuto.
**Saglie saglie o diagram,
nun se ferma chiu’ stu tram.
Avite visto che strano stu male ?:
Se port’o malato cu’ ttutt’o speziale!
**Tutt’e juorni na tempesta;
Chiese chiuse e niente feste.
Passeno e juorni passeno e misi:
Cca’ chiude pure o’ Paravis!
**Oggi so’nnuvole? O è nu poco sereno?
O tam-tam che dice? Oggi a chi tocca?
O’ bicchiere pare ca sia “mezzo pieno”
…Cu tutt’o core, i’spero ca trabocca!
AGC 26 marzo 2020
Poesia recitata dall’autore il dr. Antonio Giulio Covino